Kva har landsstyret gjort dei siste åra, eigentleg?
I april 2016 var det Landsmøte for NMS U på Raknestunet utanfor Bergen. Landsmøtet er det øvste demokratiske organet i NMS U, som bestemmer kva NMS U skal jobbe med i framtida. På landsmøtet er det også val av landsstyre, som passar på NMS U mellom landsmøta. Landsstyret består av medlemmar frå heile landet, i tillegg til representantar frå ansatte.
![Bilde: Landstyret i NMS U 16-18](https://nmsu.no/wp-content/uploads/2018/02/12968099_10207844941134919_7235142030723260431_o-1440x720-c-default.jpeg)
Om ein knapp månad er det på nytt landsmøte – og denne gangen samlast vi på Mjuklia i Trøndelag. Det blir snakk om strategi og budsjett – i tillegg til mykje tid til å vere sosial og leike ute i snøen.
Når ein landsstyreperiode går mot slutten, er det på tide å dele litt av det vi har opplevd!
Landsstyret har fire møtehelger i løpet av året – og stort sett samlast vi i Oslo eller Stavanger. I tillegg til saksbehandling og formelle møter, deler vi mykje tid for å bli kjent med kvarandre og NMS U. Første møtehelg var vi samla i Stavanger, og utnytta den fantastiske junisola til å gå på fjelltur!
![Bilde: Landsstyret på fjelltur](https://nmsu.no/wp-content/uploads/2018/02/13443277_10157128725220093_3724144727267576943_o-e1518373381197-1440x720-c-default.jpeg)
Eitt av landsstyremøta var i Kristiansand. Vi var heldige å få sjå den nyoppussa leirstaden Havglimt i nydeleg vårsol, ete laurdagsgraut med NMS, piknik i parken og konkurrerte i Escape room.
I tillegg har landsstyret blant anna besøkt julemessa i Oslo og familiegudsteneste i Bogafjell, delteke på styrekurs, spist mykje god mat og hatt møte med Landsstyret i NMS.
![Bilde](https://nmsu.no/wp-content/uploads/2018/02/18268231_830562967109665_3882146305156237753_n-1440x720-c-default.jpg)
Dei siste to åra har det skjedd fleire store ting i NMS U: Landsstyret har utforma ny logo, Maki og nettside og vi har utvikla familiemiddag, smågrupper og uteam som arbeidsmåtar for heile organisasjonen.
Visjonen til NMS U er fortsatt den same, men no snakkar vi om å dele: tru, tid, ting og talent.
Den nasjonale sommarleiren TMF har blitt til Ucamp Færder, og har blitt flytta frå Sørlandet til ei øy i Oslofjorden. Gjett om vi gler oss!
![Bilde](https://nmsu.no/wp-content/uploads/2018/02/2-Færder-62-1440x720-c-default.jpg)
Det er eit stort og spennande ansvar å sitte i styret for NMS U.
Og vi er takknemlige for å få dele våre talent til det beste for heile organisasjonen.